مــش بس كــذب.... وكمــان تجمــل

السلام عليكم ورحمة الله وبركاته

حاجة مؤسفة طبعا .......

إنتى البنت إللى فى خيالى نفس الشعر و نفس العينين و ""نفس الجسم و..."
.......

أول كلمتين بيقولهم الولد للبنت فى بداية الحكاية....

طبعا بيكون رد البنات
"إنت فارس أحلامى ناقصك حصان و خوذة تبقى صورة طبق الأصل للواد إللى باحلم بيه"

و الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى ..

الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ،

السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه

و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى
العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى

و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله

و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل

و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ،

كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ،

المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.

عادى خالص
لو الحكاية باظت
السوبر ماركت بتاع الحب مابيقفلش 24 ساعة

__________________
_________________

i am back for the 2nd time ia a row

شكرا يا مان على الموضوع الجامد ده
بس انا مش عارفه رقم السوبر مركت اوى هو فين
_________________

So I'm standin here
Arms open wide
Ready to give my heart
I'm sure this time
Love's gonna last for life
BabyI know things change
And there might be some rain
But the clouds are gonna clear
And the sun is gonna shine again
Shine light on our love baby
So let's make it last forever

شكرا يا جيمى

وحلوة حكاية السوبر ماركت ديه
_________________

القوانين العامة للمنتدى

NoThing 2 Say

Cool

منيش آخر حبيب يدخل مدينتك..ولا هتكونى يوم اخر حبيبة..داللى انكتب مفروط يا عنقود العنب..واللى انقرى غنيوة بس قصيرة..مشروخ يا ناى متغنيش..زعقك وجعنى آآه..ولا كفانيش Cool

صح والله يا جيمى سوبر ماركت الحب مش بيقفل خالص لو الحب ده حقيقى
_________________
يومنيهم وهيجى غيرهم يا قلبى ما تسيبك منهم يا قلبى ما تسيبك منهمانساهم تلاقيهم ورا ظلك ماشيين هتنششغل ليه بيهم خليهم عايشيين يومنيهم وهيجى غيرهم يا قلبى