أتوبيس الهيئة!



- اقفشه بقالنا ساعه واقفين


- اجرررررررررري يا معلم


- اجري يا ابن ادم جري الوحوش الاتوبيس متلحقوش !



شرارة: استني ياعم انت ..... استني وانبي ..... ما تستني بقي


وبعد صراع شديد ومعاناه كبيره استطعنا اللحاق باتوبيس الهيئه العنيد الذي يرفض الانتظار فهو يمضي في طريقه وعلي من يريد الركوب ان يأخذ الميداليه الذهبيه في سباق العدائين في الاولمبياد القادم ... اما من يريد النزول في المكان الذي يريده فيكفيه شرف التجربه او ان يكون حاصلاً علي كورساً مكثفاً في القفز بالمظلات



و عن الفتره ما بين الركوب والنزول فحدث ولا حرج واليكم حديثي .... بلا حرج !


شرارة : حودااااااااااااااا


حودا : ايوه يا شرارة بسلك نفسي اهو


سيكوو: امسك في ديل الجلابيه وحاول متتحركش !


كيمو : كانت شوره مهببه



شرارة : هو الواد عارف فين ؟؟


حودا : يا عااااااااااااااااااااااااااااااااااااااارف

عارف : شيل رجلك من علي رقبتي حرام عليك



شرارة : انت فين ياد مش شايفك



عارف: حتشوفني ازاي وانا تحت رجليك ما تشيل رجلك يابن ........



شرارة : اشيل رجلي !! انت عبيط ياد واحطها فين ان شاء الله .. خليك كده لغايه ما نوصل


حودا : واد يا شرارة شايف الوليه اللي هناك دي ؟


شرارة: اه شايفها مالها ؟


حودا : كانت حاطه اديها في جيب الراجل اللي واقف جنبها



شرارة : تهيئات ياعم حودا هو انت شايفني اساساً علشان حتشوف اللي في اخر الاتوبيس


حودا: عليا الطلاق كانت حاطه اديها ... استني استني دي بتنزل اهي


شرارة: ما تنزل ياعم واحنا مالنا


سيكوو : حراااااااااااااااااااااااااااااااااااااااااااااااا ااااااااامى


- وعند هذه الصيحه انطلق الجميع ليبحث في جيوبه عن اي شيء واشرأبت الاعناق وحمي الوطيس وازدادت الصيحات .... حراااااامي ... موبايلي .... محفظتي يا حوش ........ المهيه انا لسه قابضها ...... الفانله راحت فين يا نهار اسود الوليه حتقول عليا ايه لما ادخل عليها من غير فانله ....... !



شرارة : سرقوا منك ايه يا سيكوو ؟



سيكوو: محفظتيىىىىىىىىىىىى



حودا : كان فيها فلوس كتير ..


كيمو : ولا يهمك يا معلم الرجاله ياما بتتسرق ههههههههههه



سيكوو : المحفظه كانت فاضيه بس انا برده متسرقش


شرارة : وكل الهيصه دي والمحفظه فاضيه امال لو كان فيها فلوس كنت عملت ايه


سيكوو : انا بشيل الفلوس حوالين وسطي امان برده


عارف : ابوس ايدك مش عارف اتنفس شيل رجلك اخد نفسين وحطها تاني


الكمساري : العربيه فاضيه قدام يا حضرات


شرارة : يا اسطي حرام عليك فاضيه فين بس ده انا واقف علي رجل واحده وعلي دماغ صاحبي كمان


الكمساري : اللي مش عاجبه ينزل ..... يالا يا حضرات قدام شويه


سيكوو : طب نزلنا يا اسطي ورينا حتنزلنا ازاي


السواق : اللي عاوز ينزل ينط في الملف اللي جاي علشان الاشاره


واحده ست : يا لهوووووووووووووي



سيكوو : في ايه يا ست مالك


نفس الست هي هي : الحقني يا اخويا دكر البط اللي شارياه من السوق سرقوه ولاد الحراميه يا لهوووووووي


كيمو : يا ستي معلش حنعمل ايه حتي الحراميه مفيش في قلوبهم رحمه بيتشطر علي واحده ست غلبانه وياخد دكر البط اللي حيلتها


شرارة : ما تنقطتنا بسكاتك يا عم كيمو انا موبايلي باين اتسرق هو كمان هو راح فين ابن اللذين ده



كيمو : ههههههههههههههههههه حتي انت كمان يا شرارة ههههههههههههه انا الوحيد في الاتوبيس اللي متقلبتش


شرارة: حرامي غشييييييييييييم سايب اغني واحد في الاتوبيس وقلب الغلابه


حودا : ما تيالا يا جدعان انا مش قادر استحمل انا راكب علي ضهر عيل صغير والواد فيص تحت مني



شرارة : يالا ياعم سيد ....... يا اسطى واالله المحطه الجايه


السواق : ممنوع يا كابتن نط من الباب علي السريع كده


شرارة : ياعم نزلنا في المحطه هو ايه اللي ممنوع


السواق : ما تلخص يا كابتن حتنزل ولا لاء

شرارة: حنزل ياعم الله يخرب بيتك ...... كتفك يا كابتن والله... عديني يا ست


واحد شكله غريب : يالا يا حضرات انا لا جاي اشحت ولا اقول لله معايا فلايه تطلع 100 املايه .. معايا كتاب السحر ... يالا يا مدام اعملي عمل لجارتك اللي كيداكي .... معايا كتاب كيف تتعلم القراءه في اسبوع ... كيس العسليه بنص جنيه يالا يا حضرات حد يقول هات حاجه


سيكوو: عديني ياد يا بتاع العسليه خليني انزل


نفس الواد ابو شكل غريب : خمس مكنات حلاقه بسعر واحده ... علبه امواس بجنيه بس ... خد علبه شوكلاته للولاد .. ودوق قبل ما تشتري !



كيمو : يا اخي خدلك جنب خليني اعدي انا كمان


الواد ابو شكل غريب تاني : فانلات وغيارات داخليه جميع المقاسات ... عاين الفانله ... بنفسك قبل ما تشتري ... جميع المقاسات وقيس قبل ما تشتري !


عارف: حتي انت يا بتاع الفانلات....... شيل رجلك يابن ال........


شرارة : خد يا عاااااااااااارف امسك طرف الحبل ده وانا حشدك


عارف : اشهد ان لا اله الا الله وان محمداً رسول الله ... مش طايل الحبل يا شرارة..... اهو مسكته اهو شدني بقي




- واخيراً وبعد محاولات ثعلبيه ومناورات حربيه اشبه بمناوره بدر او عاصفه الصحراء استطعنا بعون الله ان احنا ننزل من الاتوبيس


شرارة : ااااااااااه الله يخرب بيت اللي شار علينا الشوره الهباب دي .. كنا ركبنا تاكسى احسن


حودا : تاكسى ايه يبني ده اقل واجب ياخد عشرين جنيه ادينا ركبنا ووصلنا كلها بجنيه يبقي وفرنا 19


شرارة: وموبايلي اللي اتسرق ومحفظه سيكوو ولا عارف اللي اللوز لزقت في الحجاب الحاجز من كتر ما دوسنا علييه


كيمو : تعيشوا وتتقلبوا يا رجاله انا طلعت نضيف من الحوار ده


شرارة : ايه ده يا كيمو ... هي جزمتك فين ؟؟؟ هو انت كنت جاي معانا حافي ؟


كيمو : جزمتي !! ..... يا نهار اسود ده الجزمه اتسرقت .....

حرااااااااااااااااااااااااااااااااااااااااااااااامي
__________________







ملحوظة:

اى حد هيزعل انا ممكن اشيل اسمة لو يحب الموضوع هزااااااااااااااااااااار

don't see the past**just**think about your future

don't see the past**just**think about your future

don't see the past**just**think about your future

القوانين العامة للمنتدى



NoThing 2 Say


منيش آخر حبيب يدخل مدينتك..ولا هتكونى يوم اخر حبيبة..داللى انكتب مفروط يا عنقود العنب..واللى انقرى غنيوة بس قصيرة..مشروخ يا ناى متغنيش..زعقك وجعنى آآه..ولا كفانيش

don't see the past**just**think about your future