هو ـ تتجوزينى ؟
هى ـ أفندم ؟
هو ـ بقولك تتجوزينى ؟
هى ـ مين مين؟
هو ـ تتجوزينى ؟
هى ـ لأ
هو ـ ليه ؟
هى ـ بصراحة كدة شكلك مش عاجبنى
هو ـ إزاى يعنى ؟
هى ـ يعنى .. أصل أنا ليا مواصفات معينة لفارس أحلامى
هو ـ مواصفات معينة ؟ .. هو انتى هتتجوزى عربية؟
هى ـ لأ ! .. بصراحة كده .. إنت مش فارس أحلامى اللى باتمناه
**************
هو ـ تتجوزينى ؟
هى ـ إيه ده ؟ شكلك اتغير
هو ـ إيه رأيك ؟
هى ـ واو .. شعرك بقة ناعم ! .. دى باروكة ؟
هو ـ أيوة
هى ـ ودى عدسات خضراء ؟
هو ـ أيوة
هى ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
هو ـ مين عباس كيج ده ؟
هى ـ عباس ؟!! ياى .. إيه عباس دى ؟ اسمه نيكولاس
هو ـ مين نيكولاس ده ؟
هى ـ بقة مالكشى فى السينما وجاى تكلمنى ؟ .. ياى
[size=21][b]****************
[/size][/b]
[size=16][b]هو ـ تتجوزينى ؟
هى ـ انت لسه ليك عين تكلمنى ؟
هو ـ أيوة .. أنا عرفت مين بنكرياس كيج ده
هى ـ أولاً : اسمه نيكولاس كيج
هو ـ أيوة أيوة .. كنت هاقول اسمه صح .. بس اختصرته .. ده ممثل
هى ـ ممثل إيه ؟
هو ـ ممثل أمريكاوى
هى ـ أمريكاوى ؟! .. إخّييى ! .. اسمه أميريكان يا بابا .. ما تبقاش دونكى
هو ـ دونكى دى تبقى شتيمة ؟
هى ـ أوف كورس
******************
هو ـ تتجوزينى ؟
هى ـ عندك عربية موديل كام ؟
هو ـ موديل دى تبقى شتيمة ؟
******************
هو ـ تتجوزينى ؟
هى ـ قوللى الأول .. حاطط أنهى نغمة فى الموبايل بتاعك ؟
هو ـ نغمة دى تبقى شتيمة ؟
******************
هو ـ تتجوزينى ؟
هى ـ ما قلتليش .. إنت بتشتغل إيه ؟
هو ـ أنا - بلا فخر- عاطل
هى ـ عاطل ؟ .. ياى
هو ـ مش أحسن من اللى ما بيشتغلش ؟
هى ـ لا
هو ـ يعنى مش هتتجوزينى ؟
هى ـ لا
هو ـ كدة أنا أزعل
هى ـ ما تزعلش يا بابا .. خليك فريش
هو ـ ماشى .. ماشى .. بس قوليلى
هى ـ إيه ؟
هو ـ فريش دى تبقى شتيمة !
[/size][/b]
******************
هو ـ تتجوزينى ؟
هى ـ لقيت شغل ؟
هو ـ أيوة طبعاً .. سنتين وأنا بادور .. أخيرًا لقيت
هى ـ وإيه هو ؟
هو ـ سواق تاكسى
هى ـ ياى ! .. مش مكسوف وانت بتقولها ؟
هو ـ فيها إيه ؟ العمل شرف .. وكلها كام سنة وأجمع مبلغ كويس
هى ـ شرف ؟ جتك القرف
[size=21][b]******************
هو ـ تتجوزينى ؟
هى ـ جمعت مبلغ كويس ؟
هو ـ طبعًا .. مبلغ كبير جداً
هى ـ قد إيه يعنى ؟
هو ـ ألف جنيه بحاله
هى ـ نعم ؟!!! .. ألف جنيه دول تروح تسرح بيهم ببطاطا
هو ـ يعنى موافقة ؟
هى ـ روح اتنيّل
******************
[/size][/b]
هو ـ تتجوزينى ؟
هى ـ عندك شقة ؟
هو ـ طبعًا .. أوضة على السطوح
هى ـ نعم ؟
هو ـ إيه المشكلة ؟! .. أحسن ما ننام فى الشارع
هى ـ فى الشارع ؟! .. إيه الألفاظ السوقية دى ؟ ياى ! .. لازم يا بابا تجيب شقة
هو ـ طيب .. كلها كام سنة وأجيبلك أحسن شقة فى الدنيا
هى ـ وهتجيبها فى جاردن سيتى ولا فى الزمالك ؟
هو ـ لا .. فى الأهلى .. هيهع هيهع هيهع
*******************
( بعد سنوات )
هو ـ تتجوزينى ؟
هى ـ جبت الشقة ؟
هو ـ أيوة .. الحكومة بتبنى شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات
هى ـ فانتاستيك
هو ـ بس الشقة ناقصة حاجة
هى ـ إيه هى ؟
هو ـ مفيهاش حمام
هى ـ امشى من قدامى ! .. مش طايقاك
[size=21][b]****************
هو ـ تتجوزينى ؟
هى ـ إنت تانى ؟
هو ـ جبتلك حمّام إنما إيه
هى ـ خليه ينفعك
هو ـ ليه بس ؟ .. ده ينفع لينا احنا الاتنين
هى ـ وأنا مالى ؟
هو ـ مش عاجبك .. مش مشكلة .. أكتبه باسمك
******************
(بعد سنين كتير )
هو ـ هتتجوزينى ولا أولع فيكى ؟
هى ـ ومالك محروق كدة ؟
هو ـ حكايتنا طولت قوى .. طولت أكتر من اللازم
هى ـ أوكى .. بس ممكن أعرف حاجة ؟
هو ـ إيه ؟
هى ـ إنت ليه متمسك بيا أوى كدة ؟
هو ـ أصل .. أصل
هى ـ أصل إيه ؟
هو ـ أصل أنا بحُبك (بضم الحاء)
هى ـ بحُبك ؟!! .. إيه بحُبك دى ؟! .. إسمها بحِبك (بكسر الحاء) بعدين خليك روش وقول
[size=25]I love you
هو ـ ماشى .. بس قوليلى
هى ـ نعم ؟
هو ـ روش دى تبقى شتيمة ؟[/size]
****************
هو ـ تتجوزينى ؟
هى ـ بصراحة .. فى حاجة كنت عاوزة أقولهالك من زمااااااان
هو ـ إيه ؟
هى ـ أنا بصراحة .. مش شايفة إن فى حد فى العالم يستاهلنى
هو ـ يا سلام ! .. ليه ؟
هى ـ عشان أنا جميلة .. خفيفة الدم .. رشيقة .. رقيقة
هو ـ رقيقة ؟! .. ده انت بدأتى تقشفى
هى ـ فشر
هو ـ فوقى لنفسك .. العمر بيجرى وتبورى
هى ـ أنا مصرة على رأيى
هو ـ يعنى إيه ؟
هى ـ يعنى اقطع معايا
هو ـ بعد كل السنين دى ؟! .. بعد كل الحب ده ؟
هى ـ بلاش تراجيديا من فضلك
هو ـ ماشى .. بس قبل ما أمشى عاوز أسألك سؤال واحد بس
هى ـ آيه هو ؟
هو ـ تراجيديا دى تبقى شتيمة ؟
*****************
( بعد سنين كتيره أوى )
هو ـ تتجوشينى ؟
هى ـ إيه ؟
هو ـ تتجوشييينييييييى ؟
هى ـ إنت مين ؟
[/size][/b]هو ـ أنا حبيبك يا هبلة .. البشى النضارة عشان تشوفينى
هى ـ طيب شاعدنى عشان ألاقى النضارة
هو ـ آهى على الترابيزة قدامك
هى ـ فين ؟
هو ـ لا دى نظارتى أنا
هى ـ أيوة لقيتها
هو ـ البشيها بقة
هى ـ ططييبب
هو ـ عينيكى فوق شوية .. ده بقك
هى ـ طيب لبشهالى إنت
هو ـ عقبال ما البشك الدبلة
هى ـ ما تكشفنيش بقى .. كنت بتقول إيه بقى ؟
هو ـ كنت بقول تتجوشششيييينيييييى ؟
هى ـ ايه تكوشينى
هو ـ يا ولية مش تكوشينى .. تـ .. تـ .. جـ .. و.. شـ .. يـ .. نـ .. ى ؟
هى ـ دى شتيمة ؟
هو ـ لاااااء .. يا وليه بقولك تتجوشينى ؟
هى ـ آه !! .. أجوشك
هو ـ بالظااااابط كده .. هاه ؟
هى ـ شيبنى أفكر
هو ـ أشيبك تفكرى ؟! .. ده انتى هتموتى خلاش
هى ـ لا .. شيبنى أفكر بش
هو ـ ربنا يوفقك
هى ـ إيه ؟
هو ـ ربنا يوفقك
هى ـ بتقول إيه ؟
هو ـ ربنا ياخدك
*****************
[size=29](على فراش الموت)
هو ـ تـ … كوح .. كوح .. تتـ .. كوح كاح كيح .. تتكو .. كوح .. كوح
تتكوشـ .. كوح كوح .. ينى ؟
هى ـ مش شامعة
هو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح
تتجوشيـ .. ؟ كوح .. كوح
هى ـ أجوش مين ؟
هو ـ هـ .. و.. ه .. كووح كوح كاح .. هوه إنتى .. كوح كوح .. معرفتيـش .. كوح كوح كيح .. ميـ .. كوح .. مين ؟
هى ـ إيه ؟
هو ـ لا .. كوح .. أبدًا .. كوح .. كنت … كح كح .. بأكــــح
هى ـ كنت بتكح ؟!!!! .. شلامتك .. ما قلتليش ليه ؟
هو ـ هو .. كوح .. إنتى .. لشة .. عارفـ .. ـة .. كوح كوح
هى ـ بتقول إيه ؟
هو ـ يا .. ولية .. كوح كوح .. ردى .. كوح كوح .. عليا .. تـ .. تـ .. جوشيـ .. كوح كوح كوح كوح .. نـى ؟
[/size]
هى ـ أجوشك ؟!! .. طب بش خد الدوا الأول
هو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـنى ؟
هى ـ أيوة يا حاج .. موافقة
هو ـ موافقة إنك تتكوشنى ..أخيـ….كوح كوح ..راااااً !! .. كوح كوح -
كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع
هى ـ يا حاج .. يا حاج
[size=29][b]مات الحاج
والوليه بقيت بيراه
[/b][/size]
_________________
| 
موضوع: تتجوزيينى 
